مجربتش في مره تكتب في الضلمه مش هتبقي شايف السطور وبتحاول ترسم خطوط في الضلمه وتتخيل شكل الكلمه وهتزهق بسرعه وهتحاول تدور علي مفتاح النور يأما هدور علي شمعه هتلقي كلام ملخبط علي بعضه ممكن تلقي مسافه كبيره بين الكلمه والكلمه او مسافه صغيره والكلمه علي الكلمه هتلوقوا كلمة (كلمة ) متكرره كتير اصل مش واثق من نفسي ( ضحك هستيري ) أصل بكتب في الضلمه .خطك هيبقي وحش مش مفهوم عشان مش شايف الورقه والقلم بيجري علي الورقه متردد وخايف يكتب مستني من عقلك همسه عشان يكتبها مش لقي وقت تقوم تدور علي مفتاح النور وتخلص من الضلمه وساعات بتكتب كلام وتقول ده ملوش لزمه اه الفيده من كلام في عقل محبوس في الضلمه
.jpg)
9 comments:
مهو الكلام ده اللى هيحرر العقل المحبوس و هيبدد الضلمة..فكرتك رائعة و احساسك فظيييع
يخرب بيت عقلك!!!!!!
حلوة ياعبدالله
جرب مرة تنام بدري ....... هتلاقي الكوابيس بتاعتك دي انتهت .هههههههه
نور
هو احنا عرفين نكتب في الضلمه اصلا
مرسي علي الكومينت \
باسم
مشكلتي اني بنام متأخر ومش بتغطي كويس بس الكوابيس ليها فضل عليه هههههههه
مرسي يا باسم علي الكومينت وخلنا نشوفك
بص يا عبدالله....
انا مارضيتش ارد على البوست غير لما اجرب اكتب فى الضلمة....
ومالقتش فرق...
لو الضلمة من جواك....ساعتها مش هاتبقى فارقة...
ساعتها هاتلاقى كل حاجة مش واضحة...
متلخبطة...
ومش هاتلاقى حتى نفسك....
احيانا بتزن فكرة على دماغي لما بكون بشتغل في رواية وقت ما بتكمل حتى لو ضلمة بشد الكراسه اللي في مكانها الثابت جنب سريري تحسبا للافكار الليلة المضلمة
ومرة كنت في الساقيه بحضر حفله لنصير شمة مع اصحابي والخواطر كانت نازلة مع الدموع ومكنتش عارفه اقاوم اي حاجة فيها طلعت من شنطتي ورق وكتبت وانا مش شايفه الحروف
ومن ده كله اقدر اقولك انها بتحصل
السلام عليكم
كل سنة و أنت طيب
ايه ده؟..هو فيه ايه؟:D
لا..فكرة حلوة و مبتكرة..ربنا يستر علينا من ابداعاتك الهستيرية دي :)
انا اسف جدا علي التأخير
بس انتوا عارفين الأمتحانات دانا حتي عندي امتحان كمان يومين
دندنه
مفهوم الضلمة يختلف من شخص للتاني انا عن نفسي بحب الضلمة عشان بحس انها شئ ملوش نهايه الضوء مش محددها زي صفحة سودا برسم فيها الأن عاوزوه برسم بخطوط بيضا
مرسي علي الكومينت
كراكيب
غالب الأفكار الحلوة البيكون ليها قيمة بنفتكرها في الضلمة الفن دايما بيخرج من الشعب البيعاني لو الشخص مرفه عمره مايخرج من فن لازم نشوف الضلمه عشان زي ماقلت الضلمة شئ مش محدود مفيش ضوء يحدده
باالنسبه لنصير شمه شكلك تحبي تسمعيله انا هبقي نزله مازيكا علي البلوج
شكرا علي لتعليق
نو فير
وانت طيب بس علي عيد ولا رأس السنه حدد عشان لو عشان السنه الجديده يبقي مش طيب ولا انا طيب لو عيد ماشي اصل بتشائم من حكاية سنه جديده عاشن بفتكر كل الحصلي في السنه القبلها
شكرا علي التعليق
وئام
الفكرة ده جت علي بالي وانا كنت مرة بكتب والنور قطع بس اللحظه كانت الأفكار منهالة من رأسي الي ورقه وكنت مصر اني اكتب بعد ما نور قطع وطبعا قاعدت أشتم في الحكومة وكنت بدور علي شمعة ومش لاقي
مرسي جدا وربنا يستر
elklam da gamed awy wely mfhmhosh yeb2a 3omro ma7s beldalma elly feh
gamed gamed gamed ya fox
Post a Comment