قلم و ورقة

قلم يعبر عن مشاعر حبست ....مشاعر صعب التحدث عنها إلا علي ورق بللتها دموع من يكتب فستجد القلم يكتب دون ان يأبي فهو عبد لك يكتب ما تأمره بيه . و في يوم قلبك كان مليئا بالحزن والمشاعر المفهومه والغير مفهومه فتجلس في الليل تفكر في حلمك وهل تحقق منه جزا كبيرا ام صغير فستجده شئ لا يذكر فتخاف ان تنام حتي لا تري حلمك لانه سيذلك لانك لا تسطيع تحقيقه وهناك الضعفاء منا يفضل ان يري حلمه فقط دون ان يحققه وينتظر كل ليله حتي يراه ولكن الكثير منا من يخاف من الحلم ولا يريد ان يراه فيوقظك الحلم من نومك ليلا فلقد أصبح الحلم كبوسا لدينا فلا مفر من ذلك غير ورقة وقلم قلم صار عبد لك وورقة من السهل ان تقطعها او تحتفظ بيها وتكتب عليها ما في دخلك وتخلق لنفسك عالم أخر من الخيال ليس له أدني صله بالواقع فهذا هروب مؤقت هروب من حياة بل اقصد هروب من الموت

عطل فني وقد تم التغلب علبه

طبعا بقالي شهور مش بكتب في البلوج وده بسبب انه شركة بلوج سبوت غيرت النظام وانا مكنتش اعرف بس مكنتش عارف اكتب الباس ورد واليوزر نام بس فكرت كتير اني افتح البلوج لحد ما وصلت لحل ورجعت تاني

مناقشة جزمة واحدة مليئة بالأحداث

مناقشة جزمة واحدة مليئة بالأحداث
بدار ميريت
يوم الاربعاء 25 - 4 القادم
الساعة السابعة

بصراحه عجبتني اوي المناقشة القاتت الكانت في مكتبة مبارك وأستفتدت منها كتير والمجموعه المسرحيه لها أبعاد كتيره ممكن اي حد يفسرها حسب وجهة نظره الخاصه وفعلا هي أساس لعالم مختبئ في داخلنا زي عماره مش متشطبه وانت بتشتطبها علي زوقك ده اللي لحظتها من المناقشه الفاتت .... اقاع الكلام غريب شويه عن اي عمل ادبي, ممكن يكون شعر نثري كل واحد بيفسر من وجهة نظره بس الرأي المتفق علي هو الكتاب يخليك تفكر فيه كتير وده اكتر حاجه عجباني في الكتاب ..

رساله من شيطان

انظر الي الصورة اولا

.
لماذا تنظرون لي هكذا و ماذا تريدون ان تفعلوا بي... هل علمتم اني الشيطان ام ماذا؟ تريدون ان توقعوا بي لا فلا احد يستطيع فعل ذلك ولكن الخوف يملأني لا ادري لماذا؟ انا لست ضعيف كما تظنون... اخاف ان اتحدث مع شخص فيعرف حقيقتي فعلي ان ألتزم الصمت اشعر انك تتفقون لفعل شئ ضدي ولكنكم لا تسطيعون اكرهكم جميعا واكره التحدث اليكم واشعر انكم تكذبون طوال الوقت انتم تكذبون نعم تكذبون وتهربون من انفسكم .... لماذا اعيش انا في هذا العالم وانتم لا لماذا؟ لكني سوف اتحكم في مسائر حياتكم وسوف ادمركم جميعا نعم وسوف اجعلكم تقتلون انفسكم (ههههههههههه) ضحكت منتصار

الرد علي اللرساله
اصمت انت ضعيف و كاذب ليس لك مكان لتعيش معنا فيه فستظل هكذا اليأس يسيطر عليك .. ضعيف ولن نعطيك الفرصه... لن نعطيك ولماذا تنظرون الي هكذا ؟؟؟

أنتظار بدون صاحب

كنت ماشي في وسط البلد كنت فاكر اني هقابل حد اعرفه كنت عايز اتصل بيه بس مش معايا رقمه وتقريبا كان معيش فلوس كفاية كان معايا جنية ومعيش سجاير... أروح بالجنية ده ولا قعد بيه علي القهوة استناه يمكن يجي ولا اشتري سجاير.. افرط سجاير من اي كوشك او اتصل بيه بس مش معايا رقمه ممكن اشوف اي حد اعرفه عشان اخد رقمه.. وصلت عند القهوة ولقت واحد أعرفه بس انا مش بكلمه كتير مليش بي علاقة كويسه يعني مش عارف أروح اخد رقم الشخص الأنا مستنيه ولا بلاش انا هستناه.... خت كرسي وقعدت علي القهوة مش عارف اطلب شاي ولا شيشه بس هو جنيه هعمل بيه اه ولا اه... طب منا عايز سجاير كنت كل شوية ابص في الموبيل مكنش بيرن كتير ...كنت ببص فيه وبحاول افتكران في حد يكون بيدور علي رقمي علي موبيل بتاعه عشان يكلمني مستنيه يرن( الموبيل ضاع من يومين) زي منا مستني الحد الكنت جايله ونزلت من البيت عشان اقبله ببص في ساعه الوقت كان بطئ جدا 11 بليل كنت خايف أتأخر عشان ابويا هيوجع دماغي ويقولي كنت بتصيع فين بس هفضل مستني واليحصل يحصل المهم اني مستني حد هيجي وهقعد اكلم معاه في اه معرفش بس لازم استناه..... شوية كده وقمت اجيب سجاير جبت 4 سجاير فرت وقلت خلي الباقي يمكن احتاجه بس الفلوس ده مش هتروحني يعني هخودها مشي زي كل مره فرصه اتفرج علي الناس شوية و انا ماشي ولعت اول سيجارة وانا عارف اني اتبقي معايا 3 سجاير وكل ما هشرب واحده هينقصه وهعوز تاني سجاير لذة السيجارة بتفكرني بلذة الوحده لما تكون بقالك فتره فيها وميش لقلها حل وتحس انك لوحدك بجد وان مفيش حد في اللحظه ده بيفكر فيك و كل الناس عندك شخص واحد ملوش ملامح شخص تعرفه بس مش هتقدر تكلمه زي الشخص القاعد هناك ده الكنت عايز اخد منه رقم الموبيل عشان اتصل بالحد المستنيه بس مش عارف .....بدأت ابص في وشوش الناس القاعده علي القهوة هما مستين حد زي منا مستني لا بس هما مستنين بس مش حاسيين علي القل انا عارف اني مستني حتي لو معرفش مستني اه كنت كل شوية ابص في الساعة وكنت ببص في وشوش الناس الكانت بتيجي من بعيد يمكن قلقي في وسطهم الشخص المستنيه كنت ساعات بتخيله في اي شخص جي وأفرح وقول اخيرا جه بس لما بيقرب بتبان ملامحه ويطلع مش هو.... كنت شايف كراسي فاضيه في القهوه مستنيه برده بس مستنيه حد يقاعد عليها طب والكرسي ده الأنا قاعد عليه كان مستنيني وانا جيت هو حاسس بي اه نفسي اعرف عشان يوفر عليه الأنتظار.... كل حاجه عايشه في انتظار انتظار اليوم الجي او في انتظار بكره وانت بتقرا الكلام ده ومستني تفهم او الكلام يخلص ايوه انت البتقرا الكلام ده مستني تفهم يعني حالة انتظار هي الساعه كام معاك دلوقت ايوه انت بص في الساعه ممكن اكون اعرفك او معرفكش بس كلهم بالنسبالي شخص واحد طب ممكن اسألك سؤال ... معاك رقم تليفون الأنا مستنيه ...............................................................................................................

مجربتش تكتب في الضلمه

مجربتش في مره تكتب في الضلمه مش هتبقي شايف السطور وبتحاول ترسم خطوط في الضلمه وتتخيل شكل الكلمه وهتزهق بسرعه وهتحاول تدور علي مفتاح النور يأما هدور علي شمعه هتلقي كلام ملخبط علي بعضه ممكن تلقي مسافه كبيره بين الكلمه والكلمه او مسافه صغيره والكلمه علي الكلمه هتلوقوا كلمة (كلمة ) متكرره كتير اصل مش واثق من نفسي ( ضحك هستيري ) أصل بكتب في الضلمه .خطك هيبقي وحش مش مفهوم عشان مش شايف الورقه والقلم بيجري علي الورقه متردد وخايف يكتب مستني من عقلك همسه عشان يكتبها مش لقي وقت تقوم تدور علي مفتاح النور وتخلص من الضلمه وساعات بتكتب كلام وتقول ده ملوش لزمه اه الفيده من كلام في عقل محبوس في الضلمه

وسط الزحام

في وسط الزحام

ملل وكأبة و رائحة كريهة لأموات احياء بلا صوت تتخللنا في وسط الزحام و يمشي فيه أ ناس وجههم مرسومة عليها الكأبه وأصوات ضحكاتهم مخنوقه و أصوات بكائهم مكتوم حبسوا دموعهم واذا اصتدم احدا بالأخر في زحمة السير نظر اليه ورسم أبتسامه وهز الأخر رأسه وتركه وهو يمشي يفكر

صوت الزحام كأنوه صوت موسيقي حزينه لفرقة ظلت تعزف طوال الليل في مسرح يجلس بيه السكرا ويتخلله أعشاش العناكب وكراسي مكسره مكان مظلم بيه أضائة خافته وفي الزحام رجل يسير يكلم نفسه واخر يبحث عن شئ في جيبه وبنت تسير انكسر قلبها بعدما ان ودعت حبيبها واخر ينام علي الأرض ويضم رجليه الي صدره لكي يشعر بالأمان وهناك صبي يبكي فقد أمه ويصرخ ويجري في وسط الزحام

يالها من أيام نعيشها ولعِل عيني لن تري سوي هذا ولعل أعينكم تري غير ذلك

حب كاد ان يقتل صاحبه

مهما أختفي الحب في طيات قلبك فهو موجود وأبحثي عنه داخليك ستجديه مسجون ملقاه علي الأرض يكاد ان يموت ولكنه لم يمت بعد أخرجيه واتلقي سراحه وجعليه يهرب الي وجداني اليأس ليملأه بالأمل من جديد ففي وجداني خراب بلمسة منك تجعليه جنه كلمة منك تفجر في قلبي ينابيع من الماء العذب الذي ينصب في نهر حياتي الذي كاد ان يجف وصوتك الذي كان يهز جبالي الراسخه ويحدث زلازل بداخلي تمحوا الجبال وتصبح سهولا و ويديان فهل لكي بعد كل هذا ان تذهبي مثل سحاب مر علي ارضا جرداء دون ان يمطر عليها قطرة واحده...............
جعلت من قلبي كمان تعزفين بيه وتلعبين علي أوطار قلبي فتخرج منه نغمات الأنين والبكاء وتجعليه طربا تستلذين بسماعه وتذكرين علي نغماته ذكريات لكي و تحكي ماضيك أليم
كانت حياتي تترنح مثل شخص ثمل يتمتم بعبارات فصيحه قد تغير أشخاصا وكانت الكلامات تخرج مني مثل طيورا مهاجرة لا تعلم الي أين تسافر كنت أري حياتي أمام عيني تسقط دون ان اسندها وعلي الأقل أقول لها كفي . تجلس حياتي تنظر الي وتضحك بصوت عالي وتحاول ان تفعل أشياء تقودها لنهايتها وتسمع اصواتا تقودها للمجهول
أري أحلامي امامي تطاردني مثل شبح يريد خلاص مني أحاول ان اتشبس بحلم وهو ان اراكي امام عيني اتأمل فيكي وفي عينيك التي هي السبب فيما انا فيه فأحتضن هذا الحلم فأجده مثل نبات الصبارفينغرس في جسدي وأصاب بالجروح التي لم أريد ان اعالجها لكي أموت بعد ان ينزف جسدي ويخرج منه كل أحاسيسي و تجدني ملقاه علي الأرض وبجانبي بركة من الدم اقصد من الأحاسيس التي أهدرتها ويليتها تجلس بجانبي في هذه الحظه قبل ان افارق الحياة حتي تكون عينها أخر عين رأيتها واول عينا جعلتني أصل الي هذه النهايه